<<                           /\                              >>

Su um 1820, nach der Zeit vo Napoleon,
is a abgschafft wordn ba uns der Fron,
die Bauern solln als freie Menschn leben,
es tut ka Grundherrschaft mehr gebn.

Drum is es dozumol a nötig gwen,
dass nei organisiert wird es zusamma Lem,
worn in an Dorf 20 oder mehr Haushalte da,
dann is des worn a eigne Gma.

Die Felder worn den Bauern ihr Eigntum
des mit der Fronerbert des wor dann rum,
friher musste jeder den Zehntn zohln,
doch heit tut der Staat nu viel mehr wolln.

Dernoch is des 150 Johr
fast alles bliebn su wie es wor,
doch dann is kumma die E.G.,
und etz muss alles anders geh.

Viele Bauern sen do viel zu kla,
es gleiche hat a goltn ba der Gma,
die Klana messn do aufhörn
damit die Großn kenna gräßer wern.

Drum tuts ka klana Gma mehr gebn
und a die klana Bauern kenna nemmer lebn.
Wenns an a net gfällt und mer mol brummt,
nehma muss mers des a su wies kummt.