<<                           /\                              >>

Wenn ich mit dem Auto an a Engstell kumm
oder ich will in a Eifahrt nei,
und a anders Auto will do raus
wenn’s eng zu geht, tut es des beste sei,

a wenn ich selber die Vorfahrt hab,
dass ich dem Andern gib a Zeichn,
dass der andere soll als erster fohrn,
denn dann konn ich mei Ziel leichter erreichn.

A andere Autofohrer machen des grod a su,
und lassn manchmol zerst den Andern fohrn,
wal sie sich dann viel leichter tena
und sich manche Kurvnlenkerei ersporn.

Doch wenn Frauen die Vorfahrt hobn
und a wenn des nu a su eng zugeht,
sie tena trotzdem an Mu net winkn,
sie hobn Sorg, dass der des falsch versteht.