<<                           /\                              >>

In Kloster tut es a an Heilbrunna gebn,
der tut hinter dem Konventhaus stehn,
do hobn friher die Leit a nu dru glabt,
dass des Wasser a heilkräftige Wirkung hat.

Des wor vo ungefähr gut zwahundert Johr,
dass do a Kurbetrieb mit heilkräftign Wasser wor,
an die Wirkung vo dem Wasser glabt der Markgraf a
und dass es a hilft fir sei Zipperla.

Viele Leit hobn sich deswegn in Kloster eigfundn
und hobn do vo dem Gesundbrunna trunkn,
sie hobn ghofft, dass sich ihr Leidn bessern tut,
ober ba viele wurde die Krankheit doch net gut.

Drum hat der Kurbetrieb a wieder noch glässn
und dass des ka Heilwasser is werd heit a jeder wessn,
denn af an Schildla im Brunnahaus steht es da,
dass des Wasser tut ka Trinkwasser sa.