<<                          /\                              >>

Da des Klästerer Münster immer offn sei soll
und der Mesner hat an freia Tog, all Wochn amol
und wal er dann anu an Urlaub hobn tut
drum sen Freiwillige als Ersatz do gut.

Die Freiwilligen sen als Vertreter des Mesners da,
es könntn ober scho nu a poor mehrer nu sa,
die hättn dann fir die Gemeinde wos Gutes getan
und die Andern brauchertn net gor su oft ran.

Manchmol kumma do scho viele Leit
no vergeht sehr schnell die Zeit,
ober es konn scho manchmol sa,
dass mer is in der Kerch ganz alla.

Ich hock mich dann in a Benk nei und tu sinniern,
heit zu Tog segt mer do derzu a meditiern
und ich find des scho ganz gut
wenn mer amol a weng abschaltn tut.

Die an Leit nach links zu den Heilign gehna,
die andern sich rechts fir die Scheinheilign intressiern tena.
Manchmol tut sich a Gspräch mit an Besucher ergebn,
und des is mastns interessant und a recht schön.

Vo dem Dienst die Gemeinde net viel siecht
und trotzdem is es wichti, dass er gschiecht,
die Ärbert im Stilln tu ich gern ausführn,
denn ich will mich ja wärgli net profiliern.