<<                          /\                              >>

Heilsbronn, des liegt im Franknland,
als Kloster is des ba uns bekannt,
denn Heilsbronn segt mer ba uns net,
a jeder blos vo Kloster red.

Drum tut es do a Klästerer gebn,
des sen die Leit, die in Kloster leben.
Doch a Kloster gibt’s scho lang net mehr,
Guta 450 Johr is des scho her,

dass do in Kloster Mönch hobn glebt
und hobn im Münster fleissig bet.
Sie hobn do a tüchtig gschafft
im Handwerk und der Landwirtschaft.

Und mit den Krankn und den Armen,
hobn sie ghabt stets a Erbarmen.
hobn ihna öfters gebn a Brot
und hobn su glindert manche Not.

Drum sogn scho, seit dera Zeit,
Kloster statt Heilsbronn, die Leit,
und es wird a weiterhin su bleibn,
dass mer Kloster sogn und Heilsbronn schreibn.