<<                           /\                              >>

Die Marksta sen die Grenzn für das Eigentum,
ganz gleich ob die Grenzn sen grod oder krumm.
Damit die Marksta genau gsetzt sen,
tuts do derzu die Siebner gebn.

Wenn des Vermessungsamt kummt raus
und messn die Grundstücke aus,
dann sen die Siebner stets bereit,
a wenn es regnt oder es schneit.

Genau setzn die siebner Marksta und Grenzzeichn,
denn die dürfn vom Grenzpunkt net abweichn,
die müssn stimma auf den Zentimeter
und drum derf des net a jeder.

Die Siebner sen gwissenhafte Leit,
denn sie hobn a gschworn an Eid,
dass do nix Unrechtes tut gschehn.
Scho seit Jahrhunderte tut es die Siebner gebn.

Siebn Mann worn es do zumol,
denn siebn is a heilige Zohl,
wu a die Bibl viele Bespiele hat
und ba aner Abstimmung gibt’s ka patt.

Es gibt ober andere Erklärung a,
worum es siebn hobn messn sa.
Wird vo dena siebn aner begrobn,
sen immer nu sechs do zum Trogn.