<<                          /\                              >>

Überoll konnst des etz hörn,
dass Rebhenna und Hosn wenger werdn,
denn an Wild gibt es su nix,
ausser Wildsai und a Füchs.

Ober mer derf do net vergssn,
dass die Füchs des andere Wild auffressn.
Wal der Fuchs kann Fasttog macht,
geht er alle Tog af die Jagd.

A wenn der Fuchs scho viel Mäus frisst
gibts net immer gnug, wie ihr wisst,
denn des tut do am Wetter legn
und dann werd er a wos anders mögn.

Friher sen die Füchs an der Tollwut gfregt,
denn die hobn anander sich ugsteckt.
Doch heit tut es a Schluckimpfung gebn,
drum tena die Füchs etz länger leben.

Wenn die Jäger mehr Füchs abschiessn,
gibts mehr Hosn, des is bewiesn
und dann siehst a , ich drau mir wettn,
im Herbst a wieder mehr Rebhennakettn.

Tena die Jäger wieder mehr Füchs erlegn,
konns im Herbst a wieder a Treibjagd gebn.
A wenn mer etz weniger Wild sieht,
dann des net immer an die Bauern liegt.