<<                           /\                              >>

Friher wor des ba aner Hochzeit
nu a weng anders als wie heit.
Do hobn die Leit nu gschaut drauf,
ob die Braut hat an dickn Bauch.

Dann hat die Braut geh messn ohne Kranz,
denn do zumol hats gebn nu ka Toleranz,
doch des is manchmol es anzi Mittl gwen,
wenn die Altn worn ganz er gor dergeng.

Und a su is dozumol der Korl,
ba dem es an der Hochzeit a scho höchste Zeit wor,
am Mondoch in der Frih zum Pfarra nauf,
dass er umeld vo seim Bubn di Tauf.

Nach kurzn Überlegn segt der Pfarrer dann:
„Sie sind aber reichli frih damit dran.“
„Des is net su schlimm“ segt do der Korl glei,
„dann kumm ich halt Namittoch nu amol verbei.“