<<                           /\                              >>

Wenn wieder amol a Wohl tut sei,
dann wird vo die Leit do drüber gred,
ob mer zu der Wohl geh soll
oder vielleicht as Trotz a net.

Vur aner Wohl wird den Leit erzählt
wos die Politiker alles fir sie tena,
a wenn mer sich scho denkn konn,
dass sie des alles net haltn kenna.

Denn wos vur aner Wohl gsogt wird,
oder a ba aner Leichd,
oder a nach aner Jagd
stimmt manchmol blos vielleicht.

Hat mer sich sunst verwählt bam telefoniern
konnt mer bam Telefon den Hörer nu aufhänga,
ober wenn mer sich bam Stadtratswohl verwählt,
dann tut mer des do net kenna.

Drum muss mer sich des gut überlegn,
wenn mer ba aner Wohl do wählt.
Den Stadtrat tut mer sechs Johr hobn,
a wenn er an ganz und gor net gfällt.