<<                           /\                              >>

Su um 1820, nach der Zeit vo Napoleon,
is abgschafft wordn ba uns die Fron,
die Bauern solln als freie Menschn lebn,
es tut ka Grundherrschaft mehr gebn.

Drum is es do a dringend nöti gwen,
dass mer nei organisiert hat das Zusammenlem.
In Weiterndorf worn mehr als 20 Haushalte da,
drum is Weiterndorf wordn a eigne Gma.

Die Felder worn den Bauern ihr Eigntum
und des wor a der Grund worum,
dass der Staat die Fluren hat vermessn,
und hat Grundkartn machen lässn.

Die Bauern messn etz Grundsteier zohln
und etz waß der Staat, wie viel er konn vo jedn holn.
Wos net Eigntum wor, hat kriegt die Gma
und die Bauern tena do derfu die Rechtler sa.

150 Johr dernoch is kumma die Gebietsreform
und is dann alles ganz anders worn,
wal do ner bloß jeds große Dorf oder Stadt,
nu an eigna Burgermaster hat.

Der Staat hat fir die Eingemeindunga Zuschüß gebn,
drum tena die Weiterndorfer net lang überlegn
hobn scho 1971 fir die Eingemeindung nach Kloster gstimmt,
wal ba der Zwangseingemeindung die Zuschüß fast all weg sind.

9 klenere Gma sen nach Kloster eingemeindet worn
und hobn do durch ihre Selbstständigkeit verlorn,
doch seit dera Zeit und des find ich sche,
tuts in Kloster stetig aufwärts geh.