<<                           /\                              >>

Die Hubers und die Meyers sen verwandt,
doch sie tena anander net arg mögn,
denn mastns gehna sie sich aus dem Weg
und drum tenna die sich sehr seltn sehn.

Do hobn amol die Hubers gsogt:
„Mir machen ba den Meyers an Besuch,
a wenn’s uns als klana Verwandtschaft gor net mögn,
mir machen trotzdem amol den Versuch.“

Die Meyers, die worn gscheid überrascht,
wie die Hubers do af amol kumma sen,
des hat mer ihna am Gsicht ugsehn,
dass sie die Hubers net wärgli arg mögn.

Bam hamgeh segt der Huber: „Gut das mir dort worn,
mir hobn ihna doch a schena Freid gmacht,
wie mir kumma sen hobns granti gschaut
und wie mir wider ganga sen hobns glacht.“