<<                           /\                              >>

Die Babett is scho aweng älter gwen,
es ist a nemmer su gut mitm sehn,
und etz do frie bam Zeitung lesn,
tut sie zur Brilln anu die Lupe nehma messn.

A wenn sie nemmer su gut siecht,
interessiert sie, was in der Welt drauß gschiecht,
dann schalt sie a ihrn Radio ei,
wall sie immer informiert will sei.

Mastens gegen Omd is sie dam Radio hörn,
wal do die Berichte gsendet wern,
wos in der Region su alles passiert,
und a an dena Nochrichtn is sie interessiert.

Wie sie hobn Nochrichtn aus der Wirtschaft bracht,
do hat die Babett ganz entsetzt drauf gsacht:
„Des tut etz doch a wenig zu weit gehn,
dass die Saufbrieder extra Nochrichtn hem.“