<<                           /\                              >>

Es Auto, no des is gwiß,
für viele Leit es höchste is,
denn des is a Prestischobjekt,
wu scho viel Stolz dahinter steckt.

Drum zeigt mer des Auto a die Leit,
wal mer hat do dru sei Freid
und do es an haufn Geld hat kost,
drum muss mers pflegn, dass net verrost.

Doch wal die Leit verschiedn sen,
drum tut es do drei Gruppn gebn.
Die an machen sich selber die Müh
und putzn selber mit viel Energie.

Die andern machen sich ka Plog,
die fohrn es Auto in die Waschulog
und dann gibt’s Leit, die hobn sich denkt,
mir tena wartn bis es wider amol rengt.