<<                           /\                              >>

Ba su an Seniorennamittog kumma als Vurträg
manchmol ganz interessante Themen dru
und wal mich a Thema interessiert hat,
hob ich denkt, gehst hi und horchst do zu.

Wie ich kumma bin, wor es scho ziemli voll,
doch ba an Tisch worn nu zwa Plätz leer.
Drum bin ich hi und hob höfli gfrogt,
derf ich mich setzn zu eich doher.

Doch die hobn gsogt, die Plätz sen net frei,
denn die sen scho besetzt,
do kumma die Frieda und die Lina her,
denn des sen dena ihre Plätz.

Ich hock mich dann wu anders hi,
a wenn die Frieda und die Lina net kumma san
und ich hob mir denkt, wenn’s mich net wolln,
dann is es gscheitst ich bleib derham.