<<                           /\                              >>

Der Christian is im Schütznverein
und tut a guter Schütze sein,
doch die Schützn, wie mir wissen,
tena net schützn, sondern schießn.

Im Wertshaus hat er do erzählt,
dass ihm des Schießn su gut gfällt
und als Neiestes segt er da,
übt er etz des Bognschießn a.

Er segt, des Bognschießn is net su leicht,
es hat sich a scho ba ihm zeigt,
dass er muß nu ganz schee viel träniern,
damit mer sich net jedsmol tut blamieren.

Dass des Bognschießn schwierig is,
des is fir den Korl a ganz gwiss,
denn er hat scho manchmol, su härst den Korl sogn,
bam grod aus Schießn Schwierigkeitn hobn.