<<                          /\                              >>

Wal der heilige Omd alle Johr,
immer su a Grenn und Gehetz wor,
drum hat sich do der Martin gsagt,
dass er des heier alles anders macht.

Heier hat er sei Wor dervur eikaft,
Weihnachtsbier und an Oraschnsaft,
an Gliehwei und a a Flaschn Sekt,
damit der Oraschnsaft besser schmeckt.

Scho am Mittog propiert er es Weihnachtsbier,
den Tog ieber werdns dann su drei bis vier,
zur Bescherung trinkt er an Gliehwei,
wall des muss scho as Tradition su sei.

Dernoch trinkt er Sekt mit a wenig Oraschnsaft,
und mit der Zeit, do is er richti gschafft,
denn manche finden Weihnachtn erst schön,
wenn’s den Christbam doppelt sehn.