<<                           /\                              >>

Weger der Abnützung vo meim Gnack,
hob ich do die ganze Zeit a Kopfweh,
wal des net besser wird, geh ich zu aner Dokteri,
de wu vo Schmerzn tut wos versteh.

Do soll ich den Schmerz dann beschreibn,
wenn mögli ganz genau und a präzis,
ob der klopfnd, stechend oder drücknd
oder ob des a Spannungskopfschmerz is.

Doch su genau konn ich des net beschreibn,
drum konn ich der Dokteri blos sogn:
„Des is wie wenn mer omds zviel trunkn hat,
und tut den andern Frih Kopfweh hobn.“

Doch ich hob ner blos Kopfweh,
des Vergnügn vom Saufn hat mir gfehlt.
Do versteh etz ich wieder nix derfu,
hat mer die Dokteri lachend erzählt.