<<                           /\                              >>

Der Johann wor scho neinzg Johr,
und wal er gsundheitlich nu gut banander wor,
drum hats an sein Geburtstog gem a Fest,
zu dem sen kumma viele Gäst.

Die Kinner, Enkl und Urenkl worn do,
derzu die ganze Nachberschaft a no,
a der Burgermaster und der Pfarra hom gratuliert
und hom ihm gwünscht, dass er hundert Johr alt wird.

Der Pfarra hat vurn Essn bitt fir Gottes Segn
und a dankt dofir, dass es dem Johann nu su gut tut gehn.
Wie sich der Pfarra hat auf dem Hamweg gmacht,
hat er zum Abschied zum Johann gsagt:

„Für den nächstn Geburtstag möge Gott es gem,
dass wir wieder so gsund beisammen sen.“
„Worum?“ frogt do der Johann nach dem Grund:
„Herr Pfarrer, sens gwiß net ganz gsund?“