<<                          /\                              >>

Es gibt do scho viele Leit,
die hobn an ihrn Gartn a großa Freid,
Freia sich wenn die Bam sche kumma,
pflanzn im Gartn Gmüs und a Bluma.

Die Erdfläh sen als erstes do
und fressn scho die Keimling o,
wenn die Pflanzn dann gräßer san
kumma die Schneckn und fressn alles zamm.

Fanga die Obstbam zum Wachsn u,
sen die Blattlais scho an die Blätter dru,
ärgerst dich a über die Kerschfruchtfliegn,
wenn die Kerschn Wermer kriegn.

Wenn die Kerschn mol net wormi worn,
dann kumma ganze Schwärm vo Storn,
a die Amsln und Spotzn derf mer net vergessn,
die tena die andern Bierli und Pflanzn fressn.

Wennst dein Gartn tust sche gießn,
dann tut a des Unkraut sprießn,
hackn und zupfn musst etz do,
wennst hintn ferti bist, fängst vorna wieder o.

Manchmol tena die Tomatn
weger der Phytophtera net gut gratn,
und ba die Retti kon des gschehn,
dass wenns ders ziegst alle wormi sen.

Hockst dich im Gartn hi, trinkst an Kaffee,
lassn dich die Wespn a gor net geh,
fliegn rum und ärgern dich die ganze Zeit,
dann wasst du gwies, a su a Gartn macht a Freid.