<<                           /\                              >>

Es sollert wieder mol an gscheitn Winter gebn,
su sogn vur Weihnachtn die Leit,
wu die Weiher richti zugfrurn sen
und es a mol wieder tüchti schneit.

Des Schlittschuh fohrn am Weiher drauß,
des fina die Kinner halt su sche
und a des Schlittn fohrn am Buck
tenert dann a wieder amol geh.

A die Leit wolln wieder amol Schi fohrn,
wenn’s derzu hat gnug Schnee,
und a der Langlauf oder des Spaziern geh
is in der Winterlandschaft a recht sche.

Doch wenn es nach Weihnachtn Winter wird,
und die Leit wieder af die Ärbert messn,
die Scheibn am Auto zu gfrurn sen,
dann wolln sie vom Winter nix mehr wessn.

Dann schimpfns, wenn die Straßn su glatt sen
und sie rutschn manchmol in Grobn nu nei.
Am bestn wär es, der Winter würde nur
zwischn Weihnachtn und Dreihkönig sei.