<<                           /\                              >>

Ich konn mich erinnern an die Zeit,
wu die Werbefahrtn worn nu sehr beliebt,
die Leit sen a deswegn gern mitgfohrn,
wals des do umersunst wos gibt.

Der Omnibus hat die Leit im Wohnort gholt,
des wor mastns in der Frieh,
zerst fährt er a wenig durch die Gegnd
und dann fährt er sie zu an Wertshaus hi.

Do hats dann an Vurtrog gebn
über des, wos sie zum Verkafn hobn,
bis die Leit bereit sen zum Kafn,
sulang tena sie ihr Wor do lobn.

Wal fast nur ältere Frauen mitgfohrn sen,
fir viele wor a Werbefahrt a Genuss,
drum hat do unser Jagdpächter immer gsogt:
„Schau hi, do fährt der Kartonagenbus.“