<<                          /\                              >>

Seitdem es in Deutschland gibt B.S.E.
is Bauer sa gor nemmer sche,
do konnst im Radio und Fernseh härn,
dass die Bauern die grässtn Verbrecher wärn.

Stelln sie dann af an Huf B.S.E.fest,
wird der Bauer behandlt, als hätt er die Pest
und a haufn Polizei kummt dann a,
als tät der Bauer der grässte Verbrecher sa.

Die Bauern, die werdn schikaniert,
hint und vorn werdn sie kontrolliert
und immer wieder finden sie neia Sachn,
dass sie die Kontrolln nu schärfer machn.

Wos in die Futtermittl drin is, wolln die Bauern wessn,
damit sie wessn wos sie gem die Viecher zum fressn.
Der Grund fir die Abschaffung der offna Dekleration is gwesn,
dass gsogt hobn, die Viecher kenna doch net lesn.

Wenn die Hersteller treibn a Lumperei
und tena ins Futter wos Verbutns nei,
dann solln sie a die Hersteller nenna,
dass die Bauern dena ihr Wor net füttern tena.

Wal es doch a a Produkthaftung gibt,
versteh ich do des Verschweign nit.
Es wird hoffentlich net su sei, dass am End
a Hend wäscht die ander Hend.