<<                           /\                              >>

Vur aner Wohl hob die Kanditatn
in der Partei über ihre Strategie beratn
und hobn beschlossn, mir bsuchn die Leit derham
und erzähln die Leit unser Programm.

Do tena mir a unsern Kaditatn vurstelln,
damit die Leit a sehn, wenn’s wähln,
und dass mir net kumma mit leera Händ,
gebn mir den Leit a klans Präsent.

Su gehna sie vo Haus zu Haus
und mastns kummt do a wer raus,
do redns dann über die Politik,
horchn sich a u manchmol a Kritik.

Wie a klans Madla raus kummt, frogn si sche:
„Is dei Papa in der CSU oder in der SPD?“
Doch segt dann do drauf die Kla:
„Mei Papa messert grod im WC sa.“