<<                           /\                              >>

Die Babett geht ins Kranknhaus
und bsucht ihr Freindi die Margaret,
denn die is scho sehr arg krank
und liegt im Kranknhaus im Bett.

Wie die Babett ba der Margaret wor,
do fängt sie sufort u zum Klogn:
„Su krank wie ich etza bin,
des konn ich gor kan song

Und wos ich do fir Schmerzn hob,
ja wärgli alles tut mir weh,
obn am Kopf fängt es u
und geht nunter bis zur Zeh.

A ban Schnaufn stimmt wos net,
des macht mir grosse Sorgn.
Erst neilig hob ich ka Luft mer kriegt,
do wär ich beinoh gstorbn.“

Su jammerts zu in aner Tur,
do denkt ba sich die Margaret:
„Es beste wär, ich stehnert auf
und lässert de do rei ins Bett.“