<<                           /\                              >>

A Mu is in an Metzgerlodn nei,
hat denkt kaft schnell a Stadtworscht ei.
„Wos wünschns?“ tut die Masteri frogn.
„An Ring Stadtworscht möchert ich hobn“

Die Masteri frogt: „Derf es die Gute sa?“
„Na, zum Warmmachn geht die Schlechte a.“
Do ober geht a amol die Masteri los:
„Mir hobn fei a gute Stadtworscht blos!

und dann tuts do anu a Einfache gebn,
glams mers, dass mir ka schlechte Stadtworscht hem.“
Und dass ihm des net nu amol passiert
dass er sich in dem Lodn a su plamiert

drum socht er glei bam nächsten Mol,
wie er wieder amol a Stadtworscht kafn soll,
gleich wie die Bedienung tut ihn frogn:
„Ich möchert a billia Stadtworscht hobn.“

Doch socht do drauf die Metzgers Kuni:
„Sie kenna gwiss unsere Preise nuni?“