<<                           /\                              >>

Es is immer scho su gwesn,
wenn aner tut die Zeitung lesn,
dann fangt er mastns hintn u,
wer gstorbn is kummt als erstes dru.

Wie der Schosch die Todesuzeign durch schaut,
do secht er af amol ganz laut:
„Etz is der Meiers Hanni gstorbn
und die Leichd is a scho morgn.

Der is jünger wie ich gwen
und etz tut er nemmer lem.“
Er blättert af die ander Seitn schnell,
do sen Bilder vo Verkehrsunfäll.

Er segt dann do drauf, ganz verdutzt:
„Etz hobn sich wieder zwa derhutzt.“
Do legt er drauf die Zeitung hin
„Heit steht doch wärgli nix gscheits drin.“