<<                           /\                              >>

„Am nächstn Sunntog werd net gkocht.“
su hat derham die Mutter gsogt:
„Zum Essn fohrn mir naus afs Land,
a guts Wertshaus is do uns bekannt.“

Wie sie im Wertshaus af die Getränke wartn,
bringt die Bedienung a scho die Speisekartn.
Arg viel Essn sen do drauf zur Wohl,
drum wird es aussuchn do zur Quol.

Heit ess ich wos, tut der Vatä sogn,
wos mir derham gor net hobn.
Do hat der Vatä a lang ausgwählt
und hat sich dann a Hirn bestellt.