<<                           /\                              >>

Wenn do aner fränkisch red,
a jeder ihn ganz gut versteht.
Wenn mer segt: „Des is der Allerschönst.“
dann wass jeder, a der Klenst,

des hat mit Schönheit nix zu to,
als Kritik versteht mer des eher scho.
Denn mir wolln über kan wos Schlechtes sogn.
und drum tena mir die Leit do lobn.

Wenn mer segt: „De hobn sich wieder gstellt.“
dann hasst des net, dass an des gfällt,
mer mant do scho eher dagegn
su wie der Hund zum Eierlegn.

Segt mer vo ane, dass sie Heldn sin,
dann is in der Red bestimmt ka Lob drin,
mit aner Heldntat hat des nix zu do,
a Dummheit wor des eher scho.

Zu der Polizei segt mer a,
die tena die Freund und Helfer sa,
vielleicht kummt des do der vo,
wals sogn: „Wart ner Freind, dir helfn mir scho.“