<<                           /\                              >>

Wenn der Schosch a Sau osticht
läd er sei Freind do derzu ei,
die Freind, die bringa des Trinken mit,
drum tut immer es recht lusti sei.

Wie die Freind sen in der Frih,
do aus ihrn Bett raus krochn,
is der Metzger scho do gwesn
und hat die Sau o gstochn.

Wie sie die Sau hobn hänga sehn,
brauchns gleich an Schnaps firn Mogn,
damit sie do des fette Fleisch
viel besser könna vertrogn.

Wie der Metzger hat die Sau zerlegt,
hobns gwart af die erste Woscht,
do hobn sie dann zur Stärkung braucht
an Schnaps und a Bier firn Doscht.

Bam Trinken hobn sie gor net gsport,
deswegn is es recht lustig gwen,
drum wass a kaner mehr, wie die Bierkäpseli
in Pressack nei kumma sen.