<<                          /\                              >>

Humor is wenn mer trotzdem lacht,
su hobn die Leit scho immer gsagt.
Doch des is leichter gsogt als to,
denn red an aner mol saudumm o

bist du dann mol net gut drauf,
dann regtst du dich scho manchmol auf.
Anstatt dass du denkst, ach red ner zu,
du bringst mich doch net as der Ruh.

Denn wenn mer sich tut net aufregn,
konn mer a viel bessere Antwort gebn,
a Antwort, wu der Andere waß, wos Sache ist,
die wu den Andern ober a net vertriest.

Wenn aner frogt, ob ich vo Psychologie wos versteh,
als Bauer muss mer viel mit Rindviecher umgeh,
do lernt mer den Umgang scho mit der Zeit,
und do is net viel Unterschied zu die Leit.