<<                          /\                              >>

Im Märzn der Bauer die Rösslein einspannt,
des Lied wor friher überoll bekannt.
Doch heit zu Tog des nemmer gilt,
etz hassts, im Frühjohr der Bauer die Uträg ausfüllt.

In jedn Utrog wollns wos anders wessn,
drum derf do a af kann Fall wos vergessn,
denn wenn sie die Ugobn überprüfn tena,
sie sufort an jedn Fehler feststelln kenna.

Drum muss mer sich überlegn,ganz gut,
wos mer etz do ukreizn tut.
Wenn mer sei Felder will ubaua,
muss mer zerst in die Merkblätter schaua.

Fährst zur falschn Zeit mit dem Güllefass oder Pflug,
dann is des scho a Subventionsbetrug.
Ausserdem wass des doch a jeder,
die Vorschriftn ändern sich schneller als des Wetter.

Drum muss mer sich stets informiern,
dass an do ka Fehler tut passiern.
Af die Ämter muss mer sich befrogn,
doch die kenna an manchmol a nix sogn.

Die Ausführungsverordnunga kumma mastn spät,
dass do die Äcker sen scho gsät.
A Hellseher sollt mer sei, des wär gut,
dann wüsst mer rechtzeiti wos do kumma tut.