<<                          /\                              >>

Es gibt heit zu Tog a Leit,
de tena viel fir die Gsundheit,
damit sie gsünder sterbn tena.
Wellness tut mer des heit nenna.

In der Freizeit scheia die Leit heit zu Tog
überhaupt ka Müh und Plog.
A wenn sie sich unötig schindn,
sie wolln ihrn Körper überwindn.

Sie tena tschokn, renna und rodfohrn
und bam Essn teners sporn,
damit sie onehma a poor Pfund,
denn wos bam Essn gut is, is net gsund.

Doch es gibt a Leit, dena is des woscht,
die trinken manchmol übern Doscht,
a guts Essn tut fir die wichtig sa
und Rauchn, des tener sie a.

Wenn sich tut es Zipperla meldn,
dann tut fir sie der Spruch do geltn:
„Gelebt, geliebt, geraucht, gesoffen,
und dann auf den Dokter hoffn.“