<<                          /\                              >>

Es gibt viele ältere Leit,
die schwärma vo der Vergangenheit.

Sie sogn, friher wors a scheners Leben,
do hats nu ka su a Hektik gebn.
Die Leit hobn nu mit anander gred,
su närrert wor des wärgli friher net.

Die Ärbert is zwor schwerer gwen
es hat nuni suviele Maschina gebn
und trotzdem hats uns nix ausgmacht,
obnds worn mir zammghockt und hobn glacht.

Es wor nu gmütlicher af der Welt,
a wenns a weng gfehlt hat am Geld.
Mir hobn zwor messn ärger sporn
und trotzdem mir do zfriedn worn.

Su sche is die Erinnerung
und es schönste wor, mir worn nu jung.