<<                          /\                              >>

Wenn mer frieher vergleicht mit heit,
dann hobn mir etz a andere Zeit,
a ba die Beerdigunga tut mer des sehn,
dass des frieher is ganz anders gwen.

Ba aner Beerdigunga tut heit a Kondolenzbuch do sei,
do schreibt a jeder dann sein Noma nei
und dernoch kenna die Angehörign lesn,
wer alles af der Beerdigung is gwesn.

Doch Nachbern, Verwandte und bekannte Leit,
die wolln persönli ausdrückn ihr Beileid,
und tena hi zu den Trauernden gehen,
a wenn in der Uzeig steht: „Von Beileidsbezeugung abzusehn.“

Frieher in meiner Jugendzeit, is des a su gwen,
alle Leit hobn den Trauernden die Hend gem,
die an hobn gsogt: „Mei aufrichtiges Beileid.“
und a nu: „Trogs mit Geduld.“ die andern Leit.