<<                           /\                              >>

In meiner Jugend, es is scho lang her,
do hom mir gmeßt in die Christnlehr,
des wor fir alle, die as der Volksschul worn,
dass sie vom Glabn nu wos erfohrn.

Bum und Madli worn do streng getrennt,
sie hobn Sorg ghabt, dass sich wos ubandln kennt.
Die Christnlehr wor alle 14 Tog
nach der Kärch, am Sunntogmittog.

Do hat amol der Pfarra vo die 10 Gebote erzählt
und dass des wichti is, dass mer die a hält,
denn die hat eigsetzt der liebe Gott.
Und wie er besprochn hat des 6. Gebot,

do frogt a Schüler den Pfarrer: „Worum des wohl,
wenn mer ba an Madla schläft, a Sind sei soll?“
Doch hat der Pfarra do drauf gwisst sufort a Red,
er hat gsogt: „Ihr Hundsbum schloft doch net.“