<<                          /\                              >>

Afn Dorf wor des su, seit Alters her,
dass die Leit sen zu der Feierwehr,
wenn es tut do amol brenna ,
dass sie anander helfn kenna.

1895, vo hundertzeh Johr,
die Gründung der Weiterndorfer Feierwehr wor,
seitdem hats in Weiterndorf scho mehrere Brände gem,
ba dena is die Feierwehr is im Einsatz gwen.

A heit, in der moderna Zeit
gibt es immer a nu Leit,
die sen ba der Feierwehr und tena übn,
und sen dodurch bereit fir den Ernstfall bliebn.

Wenn a Haus brennt oder a Stall
oder es is a Verkehrsunfall,
oder is der Keller mit Wasser voll,
dass er auspumpt werdn soll.

Die Feierwehr is immer do zur Stell,
wenns alarmiert wird, kummt sie schnell,
do lassn die Feierwehrleit alles legn und steh
und tena schnell zu der Feierwehr geh.

Die Feierwehrlwehrleit tena des ehrenamtlich machen,
a wenn andere manchmol do drüber lachn,
die wolln zwor nix für die Andern to,
ober wenn ihna in der Not gholfn wird, dann sens froh.

Und nach der Ärbert is es a gut,
wenn mer sich gmütli zamm hockn tut.
Zwor redn die Andern do drüber a,
doch wern die blos a weng neidisch sa!