<<                           /\                             >>

Ich hob mir a scho amol überlegt,
ob ich vielleicht a Gschicht tu schreiben,
es soll a Gschicht aus dem Leben sa,
ohne dass ich tu arg übertreiben.

A Liebesgschicht soll des do werdn,
wal die Leit su wos gern lesn,
drum schau ich mich a wenig um,
wie es ist do ba die Leit su gwesn.

Wie ich mich umgschaut hat,
find ich a an Stoff fir su a Gschicht
wie es im Leben manchmol is
und a meine Vurstellunga entspricht.

A reicher Mu lernt a arms Madla kenna,
des is wie ba viele Gschichtn do es erst
und aufhärn tut die Gschicht do dermit,
dass a reichs Madla an arma Mu verlässt.

Über den Inhalt vo de poor Zeiln
messt ich dann zwahundert Seitn schreiben,
drum hob ich mir do überlegt,
es is gscheiter ich läss des bleibn.