<<                           /\                              >>

Als ich die landwirtschaftliche Masterprüfung gmacht hob,
ufangs der sechzger Johr is des gwen,
do hobn mir a Betriebsberechnung machen messn,
damit der Betrieb konn a nu weiterhin bestehn.

Des wor am Ufang vo der Europäischn Union,
die hat do zumol nu ghassn E.W.G.,
a do hobn scho die Betriebe größer werdn messn,
denn ohne Wachstum, hobns gsocht, tut des net geh.

Doch die Leit hobn des net glabt,
sie hobn gsogt: „Su wos gibt es nie,
dass a Bauer und die Baieri ganz alans,
an Stall ärbertn mit dreißig Milchküh.“

Ba der Prüfung hat aner sein Betrieb mit dreißig Küh berechnet,
ober ba der Ärbert muss mer sich scho ziemlich ohetzn.
Er hat als Alternative gschriebn: „Mer konn a a Lehrein heiretn,
denn a Lehrerin tut mit ihrm Verdienst dreißig Milchküh ersetzn.“