<<                           /\                              >>

Der Korl, der wor dick und rund
und drum nemmer ganz su gsund.
Er denkt: Ich mach etz a Abmagerungskur,
ober wie mach ich des doch nur.

Es gibt do verschiedene Möglichkeitn,
doch welche tut do mehr Erfolg bereitn,
zerst hat er denkt, er macht f.d.H,
ober es gibt a andere Möglichkeit a.

Er hat sich entschlossn zu aner Diät,
wu es Onehma viel schneller geht,
su tut des in dera Zeitschrift steh,
ober su schnell werd es doch net geh.

Er soll do bloß essn Obst uund Gmies,
wal des do derfir es allerbeste is,
zum Trinken tut es nur a Mineralwasser gem,
doch des konn er scho bal nemmer sehn.

Doch des Onehma, des geht su schnell nit,
drum segt er: „Ich mog nemmer, wenn’s net bal Erfolge git.“
Der Fritzla frogt die Mutter: „Wos fir an Erfolg soll es gem.“
Do segt die Mutter: „Sei Zeha will er wieder amol sehn.“