<<                          /\                              >>

In Kloster wor des su seit viele Johr,
dass am Heilign Omd Kärch omds um siebna wor.
Des sollert friher sa, hobn af amol gsogt do Leit,
dann hättn mir zum Feiern a mehr Zeit.

Und der Herr Pfarrer mand des a,
drum tut etz die Kärch um finfa sa.
Doch fir uns Bauern passt des af kann Fall,
denn um die Zeit messn mir in Stall

Denn dozu mol in Bethlehem
is Jesu Geburt a in an Stall drin gwesn,
in an Stall wu Ochs und Esl sind
is dort geborn das Jesuskind.

Und a den Hirtn af dem Feld
hobns die Engl zerst erzählt
wies draussn hobn ihr Vieh bewacht,
damit dem nix gschieht ba der Nacht.

Drum Herr Jesu ich dich bitt,
vergess uns Bauern im Kuhstall nit,
wenn mir do unser Vieh versorgn,
denn in die Kärch kumma mir erst morgn.